Astanada qala kúnine oraı jastarǵa arnalǵan «Qala Fest» festıvali ótedi

ASTANA. KAZINFORM –  Elordadaǵy «Jetisý» saıabaǵynda 4 shilde kúni qalalyq «Qala Fest» festıvali ótedi. Bul týraly Astana qalasy ákimdiginiń baspasóz qyzmeti habarlady. 

Bul – zamanaýı mádenıetti, ekologııalyq bastamalardy jáne kitap oqýǵa degen súıispenshilikti biriktiretin ashyq alań.

Festıval Elorda kúnine oraılastyrylǵan. Onyń baǵdarlamasy eki negizgi bloktan turady.

Saǵat 16:00-den 19:00-ge deıin kitap aýystyrý jármeńkesi ótedi, onda árbir kelýshi óz kitaptaryn ákelip, basqa qatysýshylarmen aýystyra alady. Sondaı-aq «Ekoalmasý» atty ekoaımaq jumys isteıdi, munda plastık bótelkelerdi tapsyrý arqyly qatysýshylar paıdaly ekologııalyq syılyqtar ala alady.

Saǵat 19:00-de qazaqstandyq tanymal oryndaýshylardyń qatysýymen kontserttik baǵdarlama bastalady. Jandy mýzyka, merekelik sahna jáne birlik atmosferasy qala turǵyndaryna erekshe áser syılaıdy. 

Aıta ketelik Astananyń oń jaǵalaýyndaǵy negizgi kóshelerdiń biri jabylatyny týraly jazǵan edik.