Astanada qala kúnine oraı merekelik otshashý ótti
ASTANA. KAZINFORM – Astana kúnine arnalǵan merekelik baǵdarlama aıasynda elordada erekshe otshashý ótti. Shara demeýshilerdiń qoldaýymen ótti, dep habarlaıdy Astana qalasy ákimdiginiń resmı saıty.
Otshashý 23:00 shamasynda Botanıkalyq baq aýmaǵynan atyldy. Otshashýdyń jalpy uzaqtyǵy – 5 mınýt, al atylǵan feıerverk sany – 1 700-den asty.
«Astana Arena» stadıony mańyndaǵy úlken kontsertte qazaqstandyq estrada juldyzdary men shyǵarmashylyq ujymdar óner kórsetti. Olardyń qatarynda Qazybek Quraıysh, aty ańyzǵa aınalǵan «Dos-Muqasan» toby, jastardyń súıikti toby 6elucci, Janar Duǵalova, Álı Oqapov, Lımba, Atılla, Aro, Jubanysh Jeksen, Nazıma, Ilhan jáne Turar bar.
Aıta keteıik, Astana kúnine oraı elordada 100-den astam ártúrli baǵyttaǵy is-shara ótti. Qala turǵyndary men qonaqtary úshin kontsertter, shoý, teatrlandyrylǵan qoıylymdar, kórmeler, sporttyq jarystar jáne basqa da erekshe is-sharalar uıymdastyryldy.
Búgin Astanada plastıkten jasalǵan alyp mysyq paıda boldy.
