Astanada qala kúnine oraı páterler berýdiń bastalǵany jóninde jalǵan sms-habarlama taratýshy ustaldy - ІІD
ASTANA. QazAqparat - Elordalyq polıtseıler jedel-izdestirý sharalaryn ótkizý barysynda QR QK 274 baby (jalǵan aqparatty taratqan úshin) boıynsha kúdikti retinde Astana qalasynyń 30 jastaǵy turǵynyn ustady, dep habarlaıdy qalasy ІІD-niń baspasóz qyzmeti.
23 mamyrda Astana turǵyndarynyń uıaly telefondaryna qalada 2009 jylǵa Memlekettik baǵdarlama boıynsha páterlerdi berýdiń bastalǵandyǵy jáne 6 shilde kúni saǵat 16.00-de qala ákimdigine qujattarmen kelý qajettiligi jaıynda sms-habarlamalar kelip túsken.
Bul fakt QR QK «jalǵan aqparat taratqan úshin» baby boıynsha sotqa deıingi tergeýlerdiń biryńǵaı tirkeýine alyndy. Sotqa deıingi tergeý bastaldy. Kúdiktige tıesili uıaly telefon sım kartasymen birge tárkilendi. Tergeý barysynda quryqtalǵan azamatshanyń osyǵan deıin «alaıaqtyq» boıynsha qylmystyq jaýapkershilikke tartylǵandyǵy anyqtaldy.
Eske sala ketsek, 24 mamyrda qala ákimdigi Astana kúnine oraı páterler beriletini týraly SMS-habarlamalardyń málimetterin joqqa shyǵarǵan bolatyn.
