Astanada Qala kúnine oraı 3 aýqymdy festıval ótedi
Astana qalasynyń turǵyndary men qonaqtary «Shashý» halyqtyq bıi ansambliniń ІІ Halyqaralyq festıvaline, «Astana Samaly» atty VIII Halyqaralyq úrmeli orkestr festıvaline, «Serper» qazaq halyq aspaptar orkestri respýblıkalyq festıvaliniń merekelik baǵdarlamasyna kózaıym bola alady.
Bıyl «Shashý» halyqtyq bıi ansambliniń Halyqaralyq festıvali qalalyq alańda 1-3 shilde aralyǵynda ótkiziledi. Festıvalge Qazaqstannyń jetekshi ujymdary qatysady, atap aıtqanda: «Shalqyma», Astana; «Nazerke», Oral; «Tomırıs», Qyzylorda, «Altynaı», Taldyqorgan), sondaı-aq Qyrǵyzstannyń («Aqmaral»), Bashkırııa memleketiniń (Sterlıtamak memlekettik bı ansambli), Reseıdiń («Ogonkı»).
Ótkizgeli otyrǵan Úrmeli aspaptar orkestriniń festıvali aıasynda Astana qalasy ákimdiginiń Memlekettik akademııalyq fılarmonııasynyń ujymy, oǵan qosa QR Ulttyq gvardııasynyń orkestri, Petropavl Ulttyq gvardııa ınstıtýtynyń úrmeli aspaptar orkestri, Orynbor (Reseı) qalasy mýnıtsıpaldyq úrmeli aspaptar orkestri óz ónerlerin pash etedi.
Kontsert 4 shildede «Báıterek» monýmenti aldynda saǵat 21.00-de ashylady. 5 shildede saǵat 10.00-de túrli ujymdar qalanyń ortalyq saıabaqtary men ózge de alańdarynda merekelik baǵdarlamasyn usynady. Sol kúni, 5 shildede saǵat 19.30-da «Báıterek» monýmenti alańynyń sahnasynda bend-marafon ótedi. 6 shildede saǵat 10.00-de Respýblıka dańǵyly boıynsha Áskerı-tarıhı murajaıynan bastap «Jastar» saraıyna deıin jalǵasatyn paradta «Astana Samaly 2017» festıvaliniń barlyq ujymdary óner kórsetedi. Sol kúni, 6 shildede saǵat 16.00-de ákimdiktiń aldyndaǵy alańda barlyq orkestrlerdiń plats-kontserti ótedi.
«Serper» qazaq halyq aspaptar orkestriniń V respýblıkalyq festıvali 4-6 shilde aralyǵynda ótedi. Festıvaldiń ashylýy 4 shilde kúni saǵat 19.00-de «Báıterek» monýmenti alańynda bolady. 5 shildede Astanalyq, Stýdenttik jáne «Jeruıyq» saıabaǵynda saǵat 11.00-den bastap festıval qatysýshylarynyń kontserti bastalady. Sol kúni, ıaǵnı 5 shildede saǵat 17.00-de «Báıterek» monýmenti alańynda «Kúı kerýen» kontserti bastalady, kórermender Aqtóbe qalasynyń Ǵ. Jubanova atyndaǵy halyqtyq aspaptar orkestriniń, Qaraǵandy qalasynyń Táttimbet atyndaǵy qazaq ulttyq aspaptar orkestri men Novosibir qalasynyń Orys akademııalyq orkestriniń merekelik baǵdarlamasymen tanys bolady.
6 shildede saǵat 13.00-de qalalyq alańda Astana kúnine arnalǵan «Serper» qazaq halyq aspaptar orkestri V respýblıkalyq festıvaliniń gala-kontserti ótedi. Gala-kontsertte kórermender «Serper» jáne «Saryarqa» orkestriniń eń tanymal kúılerin tyńdaı alady. Olar dırıjer Aıtqalı Jaıymovtyń basqarýymen 200 mýzykanttyń túrli aspaptarmen súıemeldeýinde óner kórsetpek.
