Astanada qala ákiminiń Kýbogi úshin respýblıkalyq qazaqsha KVN oıyny ótti
Búginde qazaq tildi KVN - jastardyń qyzyǵyp oınaıtyn, kópshiliktiń tamsana tamashalaıtyn oıynyna aınaldy. Sahna mádenıeti men sheberligi, án men bı, mımıka, sóıleý máneri, oı ushqyrlyǵy sııaqty óner ataýlynyń túrli janrlaryn qamtıtyn atalmysh oıyn shyǵarmashyl jastardyń sheberlikterin jetildire túsip otyrǵanyn kórsetedi. Jastarda durys qoǵamdyq pikir qalyptastyryp, zamanmen qatar damý arqyly ómirde óz ornyn durys taba bilýge baýlıdy.
Oıynǵa barlyq oblystardan jáne Astana men Almaty qalalarynan eń úzdik 14 komanda qatysty.
Jastardyń qaljyndarynyń basym deni ádettegideı qoǵamdaǵy túıtkildi máselelerge arnaldy. Olar salaýatty ómir saltyn ustaný, memlekettik tildi damytý, óz eliniń patrıoty bolý qajettigin astarly, ári oryndy qaljyńdarmen jetkizdi. Kóńildiler men tapqyrlar sondaı-aq, aldaǵy Aq Azıadany da keńinen nasıhattady.
Tartysty ótken básekeniń nátıjesinde úshinshi oryndy Arys qalasynyń «Arys» komandasy (Ońtústik Qazaqstan oblysy) men Qulsary qalasynyń «Qulsary quramasy» (Atyraý oblysy) ózara bólisti, ekinshi orynǵa - Kókshetaý qalasynyń «Úsh júz» jáne Astana qalasynyń «Kúltegin» komandalary taban tiredi. Al bas júlde - Astana qalasy ákimniń Kýbogin Aqtaý qalasynyń «Barystar» komandasy jeńip aldy.
Oıyn «Qazaqstan KVN Odaǵy» respýblıkalyq qoǵamdyq jastar birlestiginiń uıymdastyrýymen Astana qalasy Іshki saıasat basqarmasynyń, QR Mádenıet mınıstrliginiń, Aqparat jáne baılanys mınıstrliginiń qoldaýymen ótti.
