Astanada qala ákiminiń atynan az qamtamasyz etilgen jáne jetim balalarǵa arnalǵan jańajyldyq shyrsha merekesi ótti

Shyrsha merekesine Astananyń balalar úıinen, «SOS» balalar qalashyǵynan, kámelettik jasqa tolmaǵan balalarǵa arnalǵan jetimhanadan, jetim balalarǵa arnalǵan arnaıy korrektsııalyq mektep-ınternattan jáne bilim berý mekemelerinde oqıtyn barlyǵy 150 bala qatysty.

Qala basshysy Imanǵalı Tasmaǵambetovtiń balalarǵa arnaǵan quttyqtaýyn Bilim berý basqarmasy bastyǵynyń orynbasary Rımma Imanǵazınova jetkizdi.

Jas qonaqtar úshin shyrshanyń janynda «Táýelsizdik - altyn besik» atty teatrlandyrylǵan merekelik baǵdarlama uıymdastyryldy. Olar Aıaz Atamen jáne Aqshaqarmen birge ertegiler men jańajyldyq ǵajaıyptar álemine saıahat jasady. Balalardyń aldynda «ıÝnost Astany», «Zvezdnyı chas» estradalyq vokal stýdııalary, «Báıterek», «Sozvezdıe» bı ansamblderi, «Baldyrǵan» halyq tsırkiniń shyǵarmashylyq ujymdary óner kórsetti.

Mereke sońynda baldyrǵandar «tátti» dastarhan basyna jaıǵasyp, olardyń árqaısysyna estelik syılyqtar berildi.

Aıta keteıik, tústen keıin M.Ótemisuly atyndaǵy oqýshylar saraıynda Astana ákiminiń atynan shyrsha merekesi daryndy balalarǵa arnap ótkiziledi.