Astanada «Qaharly 1941. Tarıhshylardyń oı-tolǵaýy» kitabynyń tusaýy kesildi

HH ǵasyrdyń eń surapyl jáne eń iri soǵysynyń bastalǵanynan 2011 jyly 70 jyl bolady. Soǵys taqyryby qashan da óte aýyr. Bul - tulǵa jáne qoǵam, etnos jáne ulttyq qaýipsizdik, saıasat jáne ıdeologııa, psıhologııa jáne moral, mádenıet jáne din, taǵy da basqa máselelerdegi problemalar shyrmalǵan kúrmeýi kúrdeli oqıǵa.

Kitaptyń avtorlary L.Ahmetova, Uly Otan soǵysynyń múgedegi, Máskeý túbindegi shaıqasqa qatysqan serjanttyń qyzy. Ol QazUÝ-dyń ıÝNESKO kafedrasynyń meńgerýshisi, tarıhshy jáne jýrnalıst.

«Meniń ákem 1994 jyly kóz jumdy. Ol UOS-nyń kóptegen ardagerleri sııaqty soǵysty eske alýdy unatpaıtyn. Men jýrnalıst jáne tarıhshy retinde onyń estelikterin jazyp otyrmaǵanyma ókinemin», - deıdi ol.

Ahmetovanyń seriktes avtory onyń ustazy, HH ǵasyrdyń tarıhyna arnalǵan kóptegen oqýlyqtardyń ıegeri, búginde 80-di alqymdaǵan - V.Grıgorev. Buǵan deıin olar birlesip 9 kitap jazdy.

«Qaharly 1941. Tarıhshylardyń oı-tolǵaýy» kitabyna Reseı, Qazaqstan, Germanııa muraǵattarynan jýyrda tabylǵan derekterge, HH jáne HHІ ǵasyrlardaǵy kitaptarǵa, keńes jáne nemis komandırleriniń estelikteri men kúndelikterine, soǵys qatysýshylarynyń áńgimelerine jasalǵan taldaýlar endi. UOS-nyń eń surapyl kezeńi - onyń alǵashqy jyldary jiti zerdelendi. Tarıhshylar ózderiniń nazarlaryn sol ýaqyttaǵy basty degen 15 máselege aýdardy. Solardyń ishinde soǵystyń bastalýy, qyzyl áskerılerdiń shaıqasy jáne tyldaǵy eńbek, qaıta sheginýge májbúr bolǵan jáne jeńiliske jetken kúnderdiń kúıinishi jáne Máskeýdi qorǵaý taqyryptary bar.