Astanada kafe órtenip, 8 páter turǵyndary zardap shekti
ASTANA. KAZINFORM - 18 qyrkúıekte Dostyq kóshesi, 12/1 mekenjaıyndaǵy 8 qabatty turǵyn úıdiń birinshi qabatyndaǵy KaRima kafesinde órt shyqqany týraly habarlama tústi, dep habarlaıdy Astana ákimdigi.
Ákimdik, TJD jáne qalalyq Polıtsııa departamenti birlesip, oqıǵa ornynda jedel shtab qurdy.
TJD men Polıtsııanyń úılesimdi áreketiniń arqasynda órt tez arada sóndirildi.
Zardap shekkender men qaza bolǵandar joq. Órttiń shyǵý sebebi anyqtalyp jatyr.
Órt saldarynan 8 páter turǵyndary zardap shekti. Turǵyndar qalanyń qonaqúılerine ýaqytsha ornalastyrylady. Sondaı-aq barlyq baǵytta kómek kórsetiletin bolady.
Aldaǵy táýlik ishinde búlingen páterlerdi jóndeý jáne fasadty qalpyna keltirý jumysy KaRima kafesi ıeleriniń qarajaty jáne ákimdiktiń qoldaýy esebinen bastalady.
Osyndaı barlyq jaǵdaıda jergilikti atqarýshy organdar órttiń saldaryn jedel joıý úshin qajetti sharalardyń bárin qabyldaıdy.
Osyǵan deıin SQO-da jer úı órtenip, úsh adam mert bolǵany týraly jazdyq.