Astanada Qabanbaı jáne Turan dańǵyldarynda kólik qozǵalysy shekteledi
NUR-SULTAN. QazAqparat - Astanada 15 mamyr men 1 qyrkúıek aralyǵynda Qabanbaı jáne Turan dańǵyldarynyń bir bóliginde qozǵalysqa ishinara shekteý qoıylady, dep habarlaıdy QazAqparat qala ákimdigine silteme jasap.
Qalalyq kólik jáne jol-kólik ınfraqurylymyn damytý basqarmasy «Qabanbaı batyr jáne Turan dańǵyldarynyń aralyǵynda jatqan № 24 kóshe bóliginiń qurylysy» jobasyn júzege asyrý aıasynda № 24 kóshe men Turan dańǵylynyń qıylysynda qurylys-montaj jumystaryn júrgizýdi bastamaq. Osyǵan oraı 15 mamyr men 1 qyrkúıek aralyǵynda atalǵan jol ýchaskesinde kólik quraldarynyń qozǵalysyna ishinara shekteý qoıylady.
«Keptelisterdi boldyrmaý úshin turǵyndar baratyn baǵyttaryn aldyn ala josparlaýy qajet», - dep málimdedi vedomstvoda.
