Astanada Qabanbaı batyr men Kereı jáne Jánibek handar kóshesindegi JKO faktisi boıynsha qylmystyq is qozǵaldy
ASTANA. QazAqparat - Astananyń Іshki ister departamenti senbi, 22 qarashada oryn alǵan jol-kólik oqıǵasy boıynsha qylmystyq is qozǵady. Bul týraly telefon boıynsha qalanyń ІІD baspasóz hatshysy Sofıa Qylyshbekova habarlady.
«Jolaýshylardyń biri Astana ІІD-ge shaǵym túsirgen. Qazirgi ýaqytta qylmystyq kodekstiń 296-baby 1-bólimi "Abaısyzda adamnyń densaýlyǵyna aýyr nemese ortasha aýyrlyqtaǵy zııan keltirgen avtomobıldi, troleıbýsty, tramvaıdy ne basqa da mehanıkalyq kólik quralyn júrgizýshi adamnyń jol qozǵalysy nemese kólik quraldaryn paıdalaný erejelerin buzýy» boıynsha qylmystyq is qozǵaldy», - dedi ol.
Birqatar saraptama taǵaıyndaldy, tergeý amaldary júrgizilýde. Júrgizýshilerdiń eshqaısysy ázirge qamaýǵa alynǵan joq, - dep atap ótti ІІD baspasóz qyzmetinen.
Eske salsaq, 22 qarashada Astanada Qabanbaı batyr men Kereı men Jánibek handar kósheleriniń qıylysynda jolaýshylar avtobýsy men beton aralastyrǵyş KamAz soqtyǵysqan. Eki kólik te qatty zaqymdandy.
