Astanada Qabanbaı batyr dańǵylynyń bóliginde qozǵalys bir aıǵa shekteledi

«Avtomobılder joldary basqarmasy «Naıza-Qurylys» JShS bas merdigerimen birlese Qabanbaı batyr dańǵylynyń №26 kósheden bastap áýejaıǵa qaraı jol aıryǵyna deıingi ýchaskesinde qaıta qurý jobasyn júzege asyrý júrgizilip jatyr. Búginde Qabanbaı batyr dańǵylynyń Hýseın ben Talal kóshesi qıylysynan №31 jobalyq ataýy bar kóshesine deıin ınjenerlik jelini salý úshin qozǵalysty jabý qajettiligi týyndap otyr. Qazirgi kezde Hýseın ben Talal kóshesi boıynda qozǵalys shekteldi, al 5 qyrkúıekten bastap osy eki qıylysta qozǵalysqa tolyqtaı shekteý engiziledi», - dedi S. Myrzaǵulov.
Onyń aıtýynsha, atalǵan jumystardy júrgizýdiń kesheýildeýi Qabanbaı batyr dańǵylyna túzetýler engizý jobasy boıynsha qorytyndyny keshiktirýge jáne materıaldardy jetkizýge tapsyrystyń merzimnen keıin ornalastyrýyna baılanysty bolyp otyr. Bul jumystardy 10 qazanǵa deıin aıaqtaý josparlanǵan.