Astanada Qabanbaı batyr men Turan dańǵyldaryn jalǵaıtyn joldyń bóligi jóndeledi

ASTANA. KAZINFORM – Astana qalasynyń Kólik jáne jol-kólik ınfraqurylymyn damytý basqarmasy «Alaý» muz saraıy tarapynan «Astana Arena» mańyndaǵy Qabanbaı batyr dańǵyly men Turan dańǵylyn jalǵaıtyn jergilikti jol tóseminiń joǵarǵy qabatynyń tósemi boıynsha jumys júrgizedi. Bul týraly elorda ákimdiginiń resmı saıty habarlady.

«Osyǵan baılanysty, bıyl 12-13 tamyz aralyǵynda joǵaryda atalǵan ýchaske tolyǵymen jabylady. Bul rette Qabanbaı batyr dańǵyly men Turan dańǵyly ashyq bolady jáne avtokólik quraldarynyń qozǵalysy irgeles kóshelerde júzege asyrylatyn bolady», — delingen habarlamada.

Elorda turǵyndary men qonaqtary qala joldarynda keptelis týdyrmas úshin qozǵalys baǵytyn aldyn ala josparlaýy qajet.