Astanada Q. Qýanyshbaev atyndaǵy teatrdyń HHІI jańa maýsymy ashylady

Halyq qaharmany, professor, 1999-2009 jyldar aralyǵynda Q.Qýanyshbaev atyndaǵy Memlekettik akademııalyq qazaq mýzykalyq drama teatrynda kórkemdik jetekshilik etken Á.Mámbetovtiń 80 jyldyǵyna arnalǵan «Rejısser taǵylymy» atty dóńgelek ústel ótkizedi. Bul týraly teatrdyń baspasóz qyzmeti habarlaıdy.

Jańa maýsymashar keshki saǵat 17.30-da  Sh.Aıtmatovtyń shyǵarmasy boıynsha,  rejısser, qazaq óneriniń has tulǵasy, halyq qaharmany Ázirbaıjan Mádıuly Mámbetovtiń rejısserlyǵymen qoıylǵan «Ǵasyrdan da uzaq kún» dramasymen ashylady.

«Bıyl qazaq óneriniń has tulǵasy, rejısser Á.M. Mámbetovtiń 80 jyldyq mereıtoıy, ózi baqılyq bolsa da, Qallekı teatry sahnasynda qoıyp ketken spektaklderi búgingi kúnge deıin kórermen kóz aldynda ǵumyr keship keledi. Uly tulǵanyń eńbekterin urpaǵyna nasıhattaý, umyt qaldyrmaý maqsatynda teatr sahnasynda sýretker shyǵarmashylyǵyndaǵy dramatýrg M.Áýezovtiń «Qaragóz» tragedııasy men Sh.Aıtmatovtyń «Ǵasyrdan da uzaq kún»dramalary sahnalanyp keledi» - delingen teatr taratqan habarlamada.  

Ótken maýsymda Qallekı teatry  Astana kúnine oraı Ǵ.Músirepovtiń «Aqan seri - Aqtoqty» tragedııasynyń premerasyn ótkizdi. Atalmysh spektakl 16-24 qyrkúıek aralyǵynda Oral qalasynda ótken Á.Mámbetovtiń 80 jyldyǵyna arnalǵan Qazaqstan drama teatrlarynyń XX Respýblıkalyq festıvaline qatysyp, «Qadyr Myrzalıev atyndaǵy» arnaıy syılyqty jáne Naýan beınesin somdaǵan akter, QR halyq artısi Tilektes Meıramov «Eń úzdik er beınesi» nomınatsııalaryn ıelenip qaıtty.

Aldaǵy maýsymda Teatr ujymy - Almaty, Qostanaı qalalarynda ótetin respýblıkalyq jáne Halyqaralyq festıvalderge qatysyp, baq synamaq. Sol sııaqty qazaq teatr ónerin álemge tanytý maqsatynda kúz aılarynda Túrkııa memleketine gastroldik qoıylymmen baryp qaıtpaqshy.

Teatrdyń qalyptasqan dástúri boıynsha jańa maýsym qarsańynda Qallekı teatrynyń akterlary men aktrısalary - JOO, kolledjder men mektepterdegi kórermenderimen kóptegen kezdesýler ótkizýde.