Astanada K.Baıseıitovanyń 100 jyldyq mereıtoıyna arnalǵan úlken merekelik kesh ótedi
ASTANA. 10 sáýir. Qazaqparat - 18 sáýirde Astana qalasyndaǵy K.Baıseıitova atyndaǵy Ulttyq opera jáne balet teatrynda KSRO halyq ártisi, qazaqtyń áıgili ánshisi, qazaq opera óneriniń negizin salýshylardyń biri, qoǵam qaıratkeri, KSRO Memlekettik syılyǵynyń laýreaty Kúlásh Baıseıitovanyń 100 jyldyǵyna arnalǵan saltanatty kontsert ótedi.
Kontsertte KSRO halyq ártisi Álibek Dinishev, Qazaqstannyń halyq ártisi Nurjamal Úsenbaeva, Qazaqstannyń eńbek sińirgen ártisi Janat Baqtaı, Qazaqstannyń eńbek sińirgen qaıratkerleri Janat Shybyqbaev, Aıgúl Nııazova, Gúlzat Daýyrbaeva, Jámıla Jarqymbaeva, Mádına Basbaeva, sonymen qatar «Serper» dombyrashylar ansambli, Memlekettik «Naz» bı teatry jáne K. Baıseıitova atyndaǵy UOBT balet trýppasy men hory óner kórsetedi.
