Astanada Jennifer Lopez kontserti kezinde shattl-marshrýttar iske qosylady

ASTANA. KAZINFORM — Elordada 1 tamyz kúni álemge tanymal amerıkalyq ánshi Jennifer Lopez-diń kontserti ótedi. Kórermenderdiń yńǵaılyǵy jetýi jáne kólik keptelisin azaıtý maqsatynda osy kúni arnaıy shattl-marshrýttar qatynaıdy, dep habarlaıdy elorda ákimdiginiń resmı saıty.

Arnaıy avtobýstar saǵat 16:00-den bastap qatynap, jolaýshylardy qalanyń bes núktesinen «Astana Arena» stadıonyna jetkizedi jáne kontsert aıaqtalǵannan keıin qaıta alyp ketedi.

Shattl baǵyttary: • Astanalyq tsırk avtoturaǵy; • «Áziret Sultan» meshitiniń avtoturaǵy; • «QAZAQSTAN» sport kesheniniń avtoturaǵy; • Ortalyq saıabaq (Turan dańǵyly jaǵynan) avtoturaǵy; • «Bas meshit» avtoturaǵy.

Shattl avtobýstar kontsert bastalǵanǵa deıin jáne aıaqtalǵannan keıin eki baǵytta qatynaıdy. 
Keptelis pen avtoturaqtaǵy qıyndyqtardyń aldyn alý úshin festıval kórermenderi qoǵamdyq kólikpen, taksımen nemese arnaıy shattl avtobýstarymen qatynaǵany jón.\

Aıta keteıik, buǵan deıin «Astana Arenada» ótetin osy kontsert kezinde qozǵalys ýaqytsha shekteletini málim boldy.