Astanada izdeýde júrgen 3 qylmysker ustaldy
ASTANA. QazAqparat - Astana qalasynda ótip jatqan «Quqyqtyq tártip» jedel-profılaktıkalyq is-sharasy óziniń nátıjesin berýde. Atalǵan sharanyń alǵashqy kúninde kópten beri izdeýde júrgen úsh qylmysker ustaldy, dep habarlaıdy «QazAqparat» HAA.
Astana qalasy ІІD baspasóz qyzmeti taratqan málimetke sáıkes, quqyqtyq sharaǵa myńnan asa polıtsııa qyzmetkerleri, QR Ulttyq gvardııa áskerleri men basqa da memlekettik organdardyń qyzmetkerleri jumyldyryldy.
Qoǵamdyq tártip buzýshylyqtaryn boldyrmaý jáne qylmystyń aldyn alý maqsattarynda qala kósheleri men kóppáterli turǵyn úı aýlalarynda jáne saıajaı aýmaǵynda polıtsııanyń qadaǵalaýy kúsheıtildi.
JPSh aıasynda Elordalyq polıtsııa qyzmetkerleri azamattardyń kóshi-qon zańnama talaptaryn buzý faktilerin anyqtaý, polıtsııa qyzmetinde esepte turǵan azamattardy turǵylyqty jeri boıynsha tekserý jumystaryn atqarýda.
Aıtalyq, «Quqyqtyq tártip» jedel-profılaktıkalyq is-sharasynyń alǵashqy kúniniń ózinde kópten beri izdeýde júrgen 3 qylmysker ustaldy, 980-nen asa ákimshilik quqyq buzýshylyq jaǵdaılary anyqtaldy. Olardyń arasynda qoǵamdyq oryndarda ishimdik ishý, kólik jyldamdyǵyn asyrý, kólikte qaýipsizdik beldigin taqpaý sııaqty faktiler bar.
Sondaı-aq, júrgizilip jatqan shara kezinde turatyn jeri anyqtalmaǵan 57 azamat ýaqytsha beıimdeý ortalyǵyna jetkizildi, 23 shetel azamatynyń Qazaqstanǵa kelýdiń bekitilgen erejelerin buzǵany anyqtaldy. 75 azamattyq qarý ıesi sáıkes tekseristen ótti.
