Astanada «Izbýshka» meıramhanasyndaǵy órt sóndirildi (FOTO, VIDEO)

ASTANA. QazAqparat - Esil ózini jaǵalaýyndaǵy (oń jaǵalaý), «Grand Alataý» turǵyn úı kesheni janyndaǵy jazǵy dámhana órtendi.

Bul týraly oqıǵaǵa kýá bolǵandar habarlaǵan.
QR ІІM TJK-nyń resmı ókili Rýslan Imanqulovtyń aıtýynsha, búgin saǵat 18:12-de Jeltoqsan kóshesi 2/3 mekenjaıyndaǵy «Izbýshka» meıramhanasynda órt shyqqany týraly habarlama kelip túsken.
8 mınýttan soń oqıǵa ornyna kelip jetken órt sóndirýshiler iske kiristi.
Órt ishki syrtqy qabat pen ishki qabyrǵalar jáne meıramhananyń tóbesine jaıylyp 80 sharshy metrdi zaqymdaǵan. Saǵat 18.37 -de órt sóndirildi. Meıramhana «Grand Alataý» turǵyn úı keshenine japsarlas salynǵan ári jumys istemeıdi.
Órt sóndirýge 8 tehnıka 31 qyzmetker jumyldyryldy.