Astanada IV halyqaralyq skrıpkashylar konkýrsynyń jeńimpazdary marapattaldy
ASTANA. 20 qazan. QazAqparat - Qazannyń 15-19-y aralyǵynda Astana qalasynda IV halyqaralyq skrıpkashylar konkýrsy ótti, keshe onyń jeńimpazdary anyqtaldy, dep habarlady QR Mádenıet jáne aqparat mınıstrliginiń baspasóz qyzmeti.
Konkýrsqa Qazaqstan jáne shetel skrıpkashylary, arnaıy oqý oryndarynyń tárbıelenýshileri qatysty. Qatysýshylar jas shamasyna qaraı eki topqa bólindi: jetkinshekter toby (10 - 15 jas aralyǵy) jáne eresekter toby (16 - 28 jas aralyǵy).
Qatysýshylar I.S.Bah, N.Paganını, I.Brams, P.Chaıkovskıı, D.Shostakovıch syndy uly kompozıtorlardyń shyǵarmalaryn oryndady.
Jetkinshekter tobynda 1 oryndy - máskeýlik skrıpkashy Naına Kobzareva, 2 oryndy Astana qalasynyń eki skrıpkashysy - Názikggú Janazarova men Janara Mahmutova mise tutty, 3 oryn da Astana qalasyna buıyrdy - Aqbıke Algı, Ásemgúl Syzdyqova men Gúldana Orazaeva. «Nadejda» arnaıy syılyǵy - Aqbıke Algıǵa tabys etildi.
Eresekter tobynda Gran-prıdi almatylyq Ǵalııa Jarova men máskeýlik Igor Hýhýa bólisse, 1 orynda Máskeý qalasynyń skrıpkashylary Aleksandra Adıanova men Davıd Ardýhanıan jeńip aldy, 2 oryndy japonııalyq Nakamýra Mıon men astanalyq Ivan Koktov mise tutty, 3 oryndy astanalyq Sholpan Máńkeeva jeńip aldy. «Nadejda» arnaıy júldesi astanalyq Ivan Kokotovqa tabys etildi.
IV Halyqaralyq skrıpkashylar konkýrsynyń basty maqsaty - klassıkalyq mýzykany dáripteý, skrıpka ónerin nasıhattaý, qazaqstandyq jas talantty skrıpkashylardy joǵary deńgeıge kóterý jáne Qazaqstannyń mádenı abyroıyn arttyrý.
