Astanada ıtelgini ınternette satqan adam ustaldy

ASTANA. QazAqparat - Astana qalasy «Almaty» aýdandyq ІІB krımınaldyq polıtsııa qyzmetkerleri suńqar-ıtelgilerdi saýdalap jurgen 35 jastaǵy jergilikti turǵyndy ustady, dep habarlaıdy Astana qalasy ІІD baspasóz qyzmeti.

Polıtsııaǵa ınternet jelisinde Qyzyl kitapqa engizilgen joıylyp bara jatqan qustar túrleriniń satylatyndyǵy jaıly habarlama jarııalanǵanyn aıtyp, «Ohotzooprom» ÓB» RMQK ortalyq aımaqtyq fılıalynyń ókilderi habarlasqan.

Habarlamada árbir qustyń 1,5 mıllıon teńgege saýdalanatyndyǵy kórsetilgen. Atalǵan derek QR QK-niń 339-baby 1-bólimi boıynsha (sırek kezdesetin jáne joǵalyp ketý qaýpi bar ósimdikter nemese janýarlardyń belgili bir  túrlerin ıemdenýge tyıym salynǵandarymen zańsyz aınalysý) sotqa deıingi tekseristiń biryńǵaı tizilimine engizildi.

Qazirgi ýaqytta tekserý jumystary júrgizilip jatyr. Kúdiktiniń turǵylyqty jerine jasalǵan tekserý áreketteri barysynda eki ıtelgi tárkilendi. Qustar «Ohotzooprom» ÓB» RMQK ortalyq aımaqtyq bólimshesine ótkizildi.