Astanada ıt pen mysyqty tegin chıpteýge jáne tirkeýge bolady
ASTANA. QazAqparat - Astana turǵyndaryna ıti men mysyqtaryn tegin chıpteýge jáne tirketýine múmkindik berildi, dep habarlaıdy QazAqparat Astana ákimdiginiń saıtyna silteme jasap.
Qala turǵyndaryna «Astana Vetservıs» veterınarlyq klınıkasynda tegin, al qaladaǵy ózge veterınarlyq klınıkalarda aqyly túrde úı janýarlaryn esepke alýǵa jáne chıp taqtyrý usynyldy.
Qaladaǵy úı janýarlary asyl tuqymdy bolsyn bolmasyn mindetti túrde tirkelýi tıis. Biryńǵaı tirkeýge alý úshin úsh aıdan asqan ıtter jáne eki aıdan asqan mysyqtar Pet-id.kz qalalyq ıtter men mysyqtardy sáıkestendirýdiń derek qoryna engiziledi.
Búginde ıtterdi chıpteý úrdisi qalypty jaǵdaı. Bul ádis joǵalǵan janýardy jyldam ári qatesiz taýyp, ony ıesine qaıtarýǵa múmkindik beredi. Joǵalǵan úı janýarlaryn tez tabý úshin tańba basý, en salý sekildi eski ádisterge qaraǵanda elektrondyq chıpteý izgilikti ári tıimdi amal.
Úı janýarlary aqysyz negizde kelesi mekenjaılar boıynsha chıpteledi:
- 20-40 kóshesi, ǵımarat 2/1 (Mamandandyrylǵan HQKO), tel. +7 (747) 623 53 57,jumys ýaqyty: dúısenbi-juma 9:00-18:00 (túski as 13:00-14:00).
Aqsúmbe kóshesi, ǵımarat 1 (A. Pýshkın kóshesi), tel. +7 (707) 587 44 73,
jumys ýaqyty: dúısenbi-juma 9.00-18.00 (túski as 13.00- 14.00), senbi 9.00-13.00.
