Astanada ishindegi syryn aqtarǵysy keletinderge arnalǵan servıs ashyldy
ASTANA. 3 naýryz. QazAqparat - Astanada ishindegi syryn aıtyp salǵysy keletinderge arnalǵan servıs ashyldy. Bul qaljyń emes, dep jazady «Ekspress K» gazeti senbi kúni shyqqan nómirinde (avtory - Anjelıka Gromova).
Slando.kz-tegi habarlama «Bos qulaqtar» dep atalady.
Erekshe jarnama saıt betine naýryzdyń alǵashqy kúninde paıda boldy. Qyzmet kórsetýshi bylaı dep jazǵan: «Siz problemaǵa tap boldyńyz ba, álde kerisinshe, bólisetin qýanyshyńyz bar, biraq jaqyn qurbyńyz saparlap ketti me? Sizdi súıiktińiz tastap ketip, ishindegińizdi syrtqa shyǵarǵyńyz keledi me? Sizge kópshilik aldynda sóz sóıleý kerek, al tilińiz kúrmelip tur ma? Siz mýzykantsyz, biraq sizde sahnadan qorqynysh bar ma? Siz aıtasy (án aıtasyz, oınaısyz) - biz tyńdaımyz!»
Bul rette qupııalylyqqa kepildik beriledi. Qyzmetti paıdalanýshyǵa óziniń aty-jónin atamaýǵa, kezdesýge kózildirikpen nemese medıtsınalyq betperdemen kelýine bolady. Klıenttiń qupııalyq deńgeıi onyń fantazııasyna baılanysty. Tyńdarman bolsa, jarnamada jazylǵandaı - psıho-pedagogıkalyq bilimi bar kásibı mýzykant. Degenmen, birneshe sharttar da bar. Birinshiden, kezdesý beıtarap alańda ótedi. Ekinshiden, ishindegini jaıyp salý qyzmeti úshin aqyny birden tóleý qajet. Úshinshiden, spıker ishimdik ishpegen bolýy kerek.
