Astanada ishinde ájethanasy bar jyly aıaldamalar ornatylady
ASTANA. QazAqparat - 2018 jyldyń sońyna sheıin Astanada adam qarasy qalyń jáne aýrýhana men emhana mańyna 86 jyly aıaldama qoıylady, dep habarlaıdy QazAqparat qala ákimdiginiń saıtyna silteme jasap.
Qalalyq máslıhat otyrysynda ákim orynbasary Sergeı Horoshýn atap ótkendeı, qalada 1 265 aıaldama bar. Onyń 897 pavılonmen jabdyqtalǵan, onyń ishinde 39-y jyly pavılon.
Jyl aıaǵyna deıin bıýdjet qarajysyna 55, al memlekettik - jekeshelik áriptestik aıasynda 31 jyly aıaldama ornatý josparlanǵan.
Keler jyly ınvestorlardyń esebinen jańa úlgidegi taǵy 200-deı jyly aıaldama ornatý kózdelip otyr. Onda Wi-Fi ornatylady, aýa almastyrý, jylý júıesimen jabdyqtalady, sondaı-aq ájethanasy bolady. Aıaldamada avtobýstyń júrý baǵyty men keletin ýaqyty kórsetilip turady.
Al burynǵy ashyq pavılondar qala syrtyndaǵy aıaldamalarǵa ornatylady. Qalǵan 228 jaraqtalmaǵan aıaldama pavılonynyń 140-na pavılon qoıý múmkin emes.
«Olar boıynsha jumystar júrgiziletin bolady. Aıaldama ornalasqan jerlerdi qaıtyp alý jáne qajetti jumystar júrý kerek. Bul jumystardy biz jedeldetýge tyrysamyz», - dedi S. Horoshýn.
