Astanada iri kólemdi aǵashtar otyrǵyzyla bastady

NUR-SULTAN. QazAqparat - Elordada iri ólshemdi aǵashtardy otyrǵyzý naýqany bastaldy. Bul týraly qala ákimdiginiń baspasóz qyzmetinen málim etti, dep habarlaıdy QazAqparat.

Aǵashtardyń uzyndyǵy 6-8 metrge deıin jetedi. Barlyǵy «Astana-Kógaldandyrý» tálimbaqtarynda tehnologııa men ǵylymı tásil boıynsha ósirilgen. Qalalyq jaǵdaıda otyrǵyzýǵa beıimdendirilgen.

«Qazirgi tańda aǵashtar otyrǵyzylatyn ýchaskeler anyqtaldy. Olar: Beısekov kóshesi, Alash tasjoly, Qoshqarbaev dańǵyly. Sonymen qatar Máńgilik el dańǵyly boıyna da iri aǵashtar otyrǵyzý josparlanyp otyr, – deıdi «Astana-Kógaldandyrý» kompanııasynyń dırektory Aıbar Naýryzáli.

Atalmysh uıym ókilderiniń aıtýynsha, iri aǵashtar otyrǵyzylǵan aımaqtar tamshylatyp sýarý júıesimen jabdyqtalatyn bolady. Bul olardyń jersinip ketýine jaqsy kómektesedi.
«Ákimniń tapsyrmasy boıynsha, qalany kógaldandyrý kontseptsııasy ázirlendi. Soǵan sáıkes qazir ósip turǵan aǵashtardy qorǵap, jańa jerlerge iri japyraqty aǵashtardy egý jumystary júrgiziledi, – deıdi A.Naýryzáli.