Astanada iri ǵylymı otbasylyq festıval ótip jatyr

ASTANA. QazAqparat – Astanada PRO.NRG FEST úlken ǵylymı otbasylyq festıvali ótip jatyr. Bul – balalar men eresekterge arnalǵan ǵylym, óner jáne tehnologııalar festıvali, dep habarlaıdy QazAqparat tilshisi.

PRO.NRG FEST Qazaqstandaǵy eń iri ǵylymı festıvalderdiń birine aınaldy. Kúni boıy oqýshylar saraıynda otbasylardy ǵylym men tehnologııa álemine jeteleıtin dárister, ınteraktıvti shoýlar men spektaklder ótedi.

«Otbasylyq festıval osymen ekinshi jyl qatarynan ótip jatyr. Bul joly da bizdiń aramyzǵa qosylǵan, qoldaǵan adamdar az emes. Biz bilimge qushtar jandardy qoldaýǵa tyrysamyz. Bul joly biz elimizdiń barlyq óńirinen erekshe spıkerlerdi aldyrttyq. Elimizdiń ár túkpirinen kelgen 50-den astam muǵalim ózderiniń ınnovatsııalyq tájirıbesimen bólisip jatyr», - dep atap ótti «Caravan of Knowledge» bilim berý qorynyń basshysy Zarına Bııýmbaeva.

PRO.NRG FEST Qazaqstanda STEAM bilim berýdi damytýmen aınalysatyn «Caravan of Knowledge» qorynyń bastamasymen ótkiziledi.