Astanada iri geroın kontrabandasy quryqtaldy
ASTANA. QazAqparat - Astana qalasynyń polıtsııa qyzmetkerleri elorda aýmaǵyna geroın tasymaldaǵan qylmystyq toptyń jolyn kesti, dep habarlaıdy QazAqparat qalalyq ІІD baspasóz qyzmetine silteme jasap.
«34 jáne 40 jastaǵy eki adamnyń úıinde saqtalǵan erekshe kóp mólsherdegi esirtki zaty tárkilendi. Sot-hımııalyq saraptama qorytyndylaryna sáıkes, tabylǵan 1 kg 734 gramm esirtkiniń geroın ekeni anyqtaldy», - delingen habarlamada.
QR QK 297-babymen sotqa deıingi tergep-tekserý júrgizilip jatyr. Kúdiktiler Astana qalasy ІІD ýaqytsha ustaý oqshaýlaǵyshyna qamaldy. Olardyń osyndaı basqa qylmysqa qatysy barlyǵy tekserilýde.
