Astanada iri boks týrnıri ótedi
ASTANA. 25 qańtar. QazAqparat - Aqpannyń 14-i men 18-i aralyǵynda bokstan Astanada «Tórteýdiń týrnıri» atty iri halyqaralyq jarys ótedi.
«Alaman» agenttiginiń jazýynsha bul jarysqa Qazaqstan, Reseı, Ózbekstan, Ýkraına quramalary keledi.
Qazaqstan bul synǵa birinshi quramasymen qatyspaq.
Osyndaı doda bıyl ekinshi ret uıymdastyrylady. Byltyr Almatyda ótken synǵa Qazaqstan, Reseı, Úndistan, Frantsııa quramalary qatysqan edi. Sol jarysta Qazaqstan jeńiske jetken bolatyn.
