Astanada iri bazardy ıelený úshin talas bastaldy
ASTANA. QazAqparat - Eki elordalyq kásipker «Sharyn» iri kókónis-jemis bazarynyń bas dırektory laýazymyn bólise almaı jatyr, dep habarlaıdy «QazAqparat» HAA tilshisi.
Óz seriktesterimen qarym-qatynastary týraly aıtý úshin úmitkerlerdiń biri - Ábdiǵanı Eskendirov jýrnalısterdi shaqyrǵan. Onyń aıtýynsha, osy ýaqytqa deıin daýlasý tek zań aıasynda júrip otyrǵan.
«Endi meniń seriktesim - Muratbek Ahmatov myrza men onyń ápkesi Álııa Ahmatova búkil Qazaqstanǵa meni ǵaıbattap jatyr. Olardyń oıynsha biz uıymdasqan qylmystyq top ekenbiz jáne sottyń sheshimin oryndamaı jatqan kórinemiz», - dep bastady ol.
Sondaı-aq, ol dálel retinde «Sharyn-AAA» JShS qatysýshylarynyń kezekti jalpy jınalysyndaǵy onyń bas dırektor bolyp saılanǵandyǵyn rastaıtyn qujatty usyndy. Baspasóz máslıhatynyń ortasynda zalǵa ekinshi úmitker Muratbek Ahmatov kirip kelip, jýrnalısterge jınalystaǵy daýys berý nátıjesiniń jaramsyz ekendigi týraly sot sheshimi bar qaǵazdy kórsetip, shyǵyp ketti.
«Bastapqyda bul bazardy qoldanysqa engize almaǵan. Ahmatov myrza bul bazardy jaýyp, JShS-ǵa tıesili jer ýchaskesiniń bir bóligin almaqshy bolǵan. Ol 2012 jyldyń jeltoqsanynda jalpy jınalysta «Sharyn» JShS-ny taratý týraly usynys tastady. Alaıda, jalpy jınalys bul sheshimdi maquldamady. Al, Eskendirov myrza isti óz qolyna alyp, bazardy paıdalanýǵa berdi», - dedi zańger, Á.Eskendirovtiń ókili Japaq Myhaev.
Sondaı-aq, ol taraptardyń memorandýmǵa qol qoıǵanyn atap ótti. Oǵan sáıkes, M.Ahmatovtyń óz úlesin satýdan bas tartqany úshin A.Eskendirov oǵan 9 mln 250 myń teńgeni úsh jyl ishinde tólegen. Zańgerdiń aıtýynsha, Muratbek Ahmatov aqshany alǵannan keıin bas dırektor laýazymyn alý úshin naýqan bastaǵan. Bazarda jumys isteıtinderdi ózderiniń eńbek oryndary máselesi alańdatýda. Beı-jaı qaramaıtyndar QR Premer-Mınıstrinen orta jáne shaǵyn kásipkerliktiń múddesin qorǵaýdy suraǵan.
