Astanada ınvestorlarǵa 20-dan astam qurylysy aıaqtalmaǵan turǵyn úı keshenderi kórsetildi
Jármeńke osymen bıyldyń ózinde úshinshi ret ótkizilip otyr. Ony qala prokýratýrasynyń «Elordadaǵy qaýipsizdik jáne jaılylyq» jobasyn qoldaý aıasynda qala ákimdigi uıymdastyrdy. Jármeńkede qala prokýratýrasynyń usynymy boıynsha memleketke berilgen, bitpegen nysandardyń qurylysyn aıaqtaý úshin áleýetti ınvestorlardy tartý boıynsha jumystar júrip jatyr.
Jármeńkege 21 nysan qoıyldy, olar: Arabı-2 TK, Úmit-Bereke TK, Kóktal-2 TK, «Terrıtorııa komforta-1» TK, Granıt-1 TK, Granıt-2 TK, Anısa-2 jáne 3 turǵyn úı keshenderi, Zere-1 TK, Zere-2 TK, «Stolıchnyı-2» TK, Abat TK, Alǵa Toqbulaq TK, Esil-2 TK, Arys TK, Rýh TK, Magıstral-3 TK, Altyn Raıd TK, Baspana Kóktal TK, Jańa Otan TK, Arystan TK, Abaıdyń 150 jyldyǵy TK.
Jármeńkege 30-dan astam áleýetti ınvestor qatysty. Shara qorytyndysy boıynsha, ınvestorlar men qala turǵyn úı-qurylys kooperatıvteriniń arasynda 6 nysannyń kelisimsharty jasaldy.