Astanada ınvestıtsııalyq sot isin júrgizýdi odan ári jetildirý máseleleri talqylandy

NUR-SULTAN. QazAqparat - Joǵarǵy Sottyń mamandandyrylǵan sot alqasynyń tóraǵasy Aıgúl Qydyrbaeva «Investıtsııalyq sot isin júrgizýdi odan ári jetildirý» degen taqyrypta «dóńgelek ústel» otyrysyn ótkizdi, dep habarlaıdy QazAqparat QR Qoǵarǵy sotynyń baspasóz qyzmetine silteme jasap.

Forýmdy Joǵarǵy Sot ABA ROLI Amerıkandyq zańgerler qaýymdastyǵynyń ókildigimen birlesip uıymdastyrdy.

Onyń jumysyna sýdıalar, Halyqaralyq Keńestiń músheleri, memlekettik organdardyń, «Atameken» UKP-nyń, ınvestorlardyń, quqyqtyq jáne bıznes qoǵamdastyqtyń, ınvestıtsııalyq sot tóreliginiń anaǵurlym ózekti máseleleri boıynsha halyqaralyq sarapshylardyń ókilderi qatysty.

Forýmdy asha otyryp, A. Qydyrbaeva ınvestıtsııalyq sot isin júrgizý, ınvestıtsııalyq klımatty jaqsartý, ekonomıkany tutastaı damytý baǵytyndaǵy mańyzdy máseleler týraly aıtty.

Forým sheńberinde kelisimshart mindettemelerin oryndaý jáne ekologııalyq daýlardy qaraý problemalary týraly Joǵarǵy Sottyń jáne Nur-Sultan qalasy sotynyń sýdıalary Janna Ermaǵambetova, Gúljan Álmaǵambetova jáne Gúlnar Ábdirahmanova sóz sóıledi. Galle-Vıttenbergsk ýnıversıtetiniń professory, quqyq doktory Azer Alıev jáne Nıý-Iorktyń shyǵys okrýgynyń sýdıasy Elızabet Stong ınvestıtsııalyq daýlardy sheshýdiń halyqaralyq tájirıbesimen bólisti.

Investorlardyń quqyqtaryn memlekettik organdarmen daýlarda qorǵaý máselesi boıynsha óz pikirin «Atameken» UKP basqarma tóraǵasynyń orynbasary Rýstam Júrsinov aıtyp berdi. Ekologııalyq daýlar týraly, ınvestorlar úshin áleýetti qater retinde «Shevron» korporatsııasynyń Eýrazııa bólimshesiniń basqarýshy quqyqtyq keńesshisi Jumageldi Elýbaev sóz sóıledi.

Investorlar úshin zańnamanyń turaqtylyǵynyń mańyzdylyǵy týraly «Beıker jáne Makenzı - Sı-Aı-Es, Lımıted» kompanııasy fılıalynyń dırektory Kýrtıs Masters jáne «QazBar» Qazaqstannyń kommertsııalyq zańgerleri qaýymdastyǵynyń Basqarýshy Keńesiniń tóraǵasy Aıgúl Kenjebaeva óz oılaryn aıtty.

Forýmnyń ekinshi sessııasyna qatysýshylar ekologııalyq jáne ınvestıtsııalyq quqyq ara qatynasynyń halyqaralyq tájirıbesi erekshelikterin talqylady.

Konstrýktıvtik dıalog ornady. Forýmǵa qatysýshylar talqylanǵan taqyryptar boıynsha tıisti usynymdardy pysyqtady.

«Bizdiń barlyǵymyzdy jalǵyz biryńǵaı maqsat biriktiredi, ol azamattardyń, bıznestiń ınvestorlardyń bizdiń sot tóreligimiz ben memleketke degen senimi. Bizdiń usynymdarymyz týyndaıtyn daýlardy sheshýde, bıznes-klımatty jaqsartýda biryńǵaı tásilge aınalatyndyǵyna senimdimin - dep A. Qydyrbaeva qorytyndylady.