Astanada Internettiń qoǵamdyq bólimsheleri ashylady

«Astana qalasynyń elektrondy ákimdigi» jobasynyń úılestirýshisiDáýren Topaevtyń aıtýynsha, ol arqyly qala turǵyndary men qonaqtary ǵalamtor qyzmetterin tegin paıdalana alady.

«Elektrondy ákimdik» týraly aıtqan kezde, qalada ashylǵan «Kontakt-ortalyǵy» aqparattyq júıesin erekshe atap ótken jón. Búginde ol Astana ákimdiginiń quziretine kiretin máseleler boıynsha barlyq aryz-ótinishterdi telefon jáne ǵalamtor arqyly qabyldaıdy. Bul jerde salyq salasyndaǵy qaryzdarǵa qatysty jeke aqparatty shuǵyl alyp, Astana qalasynda ótetin merekelik is-sharalar týraly barlyq málimetti bilýge bolady. Aldaǵy ýaqytta ol aqparattyń bári elge SMS-habarlamamen taralady. Al qala turǵyndarynyń ǵalamtorǵa qoljetimdi bolýyn qamtamasyz etý úshin Astana boıynsha 40-qa jýyq Internetke kirýdiń qoǵamdyq bólimshelerin ashý josparda bar. Ol is-sharalar, birinshiden, halyqtyń saýattylyǵyn kóterse, ekinshiden, eldi ǵalamtormen barynsha qamtýǵa múmkindik bermek», - deıdi D.Topaev.