Astanada ınternettegi habarlandyrý boıynsha qymbat kólikti urlap ketti
ASTANA. QazAqparat - Elordada 28 jastaǵy OQO týmasy qymbat avtokólikterdi urlap áketti degen kúdikpen ustaldy, dep habarlaıdy «QazAqparat» HAA tilshisi.
Astana qalalyq ІІD baspasóz qyzmeti habarlaǵandaı, tergeý bólimshesi qymbat avtomobılderdi aıdap áketý faktisi boıynsha qylmystyq isti tergeýde. Atalmysh qylmysty jasady degen kúdikpen 28 jastaǵy Ońtústik Qazaqstan oblysynyń turǵyny ustaldy. Tergeý barysynda kúdiktiniń avtomobıl satatyn arnaıy saıttar arqyly «Leksýs» markaly avtomashınalardy tapqany anyqtaldy.
Ol saıtta kórsetilgen telefonǵa qońyraý shalyp, kólik ıelerimen kezdesýge kelisken. Avtomobıldi qaraý barysynda onyń dabyl júıesiniń markasyn anyqtaǵan. Keıin arnaıy pýlt arqyly avtomobılderdi aıdap áketip júrgen.
«Qazirgi tańda QR QK «Urlyq jasaý» baby boıynsha sotqa deıingi tergeý jumystary júrgizilýde. Kúdikti Astana qalalyq ІІD ÝQO-ǵa qamaldy. Onyń osy sekildi basqa da qylmystarǵa qatysynyń bar-joǵy anyqtalyp jatyr.
Polıtsııa osyndaı fakti boıynsha zardap shegýshilerdi myna mekenjaıǵa habarlasýyn suraıdy: Astana q., Obaǵan k., 18, tel: 49-70-90, 8-702-468-82-24.
