Astanada ınternet klýb túrinde jumys istegen jasyryn kazıno áshkerelendi
ASTANA. QazAqparat - Elordanyń Petrov,19 kóshesinde belgisiz ınternet klýbynda jasyryn kazıno jumys istegen, dep habarlaıdy Astana qalasy boıynsha memlekettik kirister departamentiniń baspasóz qyzmetinen. Onyń jumysy týraly sanaýly adamdar ǵana bilgen.
Ótkizilgen jedel-izdestirý sharalarynyń barysynda atalǵan mekemeden 24 júıelik protsessor alyndy. Mundaǵy oıynshylardy suraý barysynda atalǵan mekemeniń janynda ınternet klýb túrinde onlaın kazıno jumys istep otyrǵany belgili bolyp, rastaldy.
Oqıǵa ornyn tekserý kezinde 16 monoblok pen 88 100 teńge alyndy. Astana qalasy boıynsha MKD ETQ qyzmetkerleriniń kúshimen atalǵan mekemeniń qyzmeti toqtatyldy. Qazirgi ýaqytta sot aldy tergeý amaldary júrgizilip jatyr.
