Astanada ınternet-alaıaqtyqtyń aldyn alýǵa arnalǵan qysqametrajdy fılm túsirildi
ASTANA. KAZINFORM – Astanada jastardyń tsıfrlyq qaýipsizdigin arttyrý jáne olardy ınternet-alaıaqtyqtan qorǵaý baǵytynda birqatar is-shara qolǵa alyǵan. Bul týraly qalalyq Polıtsııa departamenti Kıberqylmysqa qarsy is-qımyl basqarmasy bastyǵynyń orynbasary Sáken Alaýhanovtyń aıtty.
– Astana qalasy ákimdigimen birlesip dropperlik áreketterdiń qaýiptiligi men quqyqtyq saldaryn túsindiretin qysqametrajdy fılm túsirildi. Atalǵan týyndy mektepterde, kolledjderde jáne joǵary oqý oryndarynda kórsetildi. Sonymen qatar jastarǵa ınternet-alaıaqtyqtan qorǵaný joldaryn túsindirýge arnalǵan tórt forým uıymdastyryldy, - dedi spıker.
Sondaı-aq «Zań men tártip» qaǵıdaty aıasynda ınternet-alaıaqtyq taqyrybynda esse baıqaýy ótkenin de tilge tıek etti. Onyń basty maqsaty IT-qylmystardyń aldyn alý jáne tsıfrlyq saýattylyqty damytý.
Jalpy jyl basynan beri alaıaqtyqtyń keń taralǵan túrleri men odan qorǵaný tásilderi týraly 79 beınerolık ázirlenip, 24 myńnan astam aqparattyq jadynama taratylǵan. Budan bólek, turǵyndardyń tsıfrlyq jáne qarjylyq saýattylyǵyn arttyrý úshin 412 dáris ótkizilgen.
Aıta keteıik, Qazaqstanda ınternet-alaıaqtyqtan keletin shyǵyn 20 mlrd teńgege jetti.
