Astanada «Intellektýal - 2010» bilim saıysy ótti
ASTANA. Sáýirdiń 29-y. QazAqparat /Arman Asqarov/ - Búgin Lev Gýmılev atyndaǵy Eýrazııa ulttyq ýnıversıtetinde ótken «Intellektýal - 2010» bilim saıysynyń qorytyndysy shyǵaryldy,
dep habarlaıdy QazAqparat.
Ýnıversıtet janyndaǵy «Altyn» belgi ıegerleri qaýymdastyǵynyń uıymdastyrýymen ótken bilim básekesinde oqýy úzdik daryndy jastar ekonomıka, saıasat, ǵylym jáne taǵy basqa salalar boıynsha baq synasty. Qyzyqty da tartysty ótken bilim dodasynyń qorytyndysy boıynsha birinshi orynǵa «Dıplomka» komandasy ıe boldy. Al «Samuryq» pen «MKM-11» toptary ekinshi jáne úshinshi oryndardy qanaǵat tutty.
«Altyn» belgi ıegerleri qaýymdastyǵynyń tóraǵasy Ulyqbek Begimtaıdyń aıtýynsha, atalǵan shara alǵash ret ótkizilip otyr. Osydan keıin Eýrazııa ulttyq ýnıversıtetiniń atynan shyǵatyn daryndy jastardyń birikken komandasy jasaqtalyp, «Intellektýal» bilim saıysyn qalalyq deńgeıde ótkizý josparlanyp otyr. «Bizdiń josparymyz boıynsha, Astanadaǵy joǵary oqý oryndarynyń arasyndaǵy «Intellektýal» qalalyq bilim saıysy kelesi jyly uıymdastyrylady», - deıdi U.Begimtaı.
