Astanada Innoprom halyqaralyq kórmesi ótedi

ASTANA. QazAqparat - QR Indýstrııa jáne ınfraqurylymdyq damý mınıstri Qaıyrbek Óskenbaev Reseı Federatsııasy Ónerkásip jáne saýda mınıstriniń orynbasary Alekseı Grýzdevpen kezdesti, dep habarlaıdy QazAqparat Indýstrııa mınıstrliginiń baspasóz qyzmetine silteme jasap.

Taraptar kelesi jyly Qazaqstanda Innoprom halyqaralyq ónerkásiptik kórmesin ótkizý jaıyn talqyǵa saldy.

Innoprom kórmesi 2010 jyldan beri dástúrli túrde Ekaterınbýrg qalasynda ótkizilip keledi. Aýqymdy shara ónerkásip ókilderi úshin saýda-ekonomıkalyq qatynastardy damytýǵa, jańa naryqtardy ashyp, seriktesterdi tabýǵa, tapsyrys berýshiler jáne jetkizýshiler arasynda dıalog ornaýyna septigin tıgizedi.

Kezdesý barysynda Qaıyrbek Óskenbaev halyqaralyq kórmeni uıymdastyrý kelesi jyldyń qazan aıyna josparlanǵanyn atap ótti.

«Bıyl Qazaqstan INNOPROM-2022 kórmesiniń resmı seriktes eli boldy. 1600 sharshy metrdi quraıtyn qazaqstandyq ekspozıtsııa alańyna hımııa, farmatsevtıka ónerkásibi, tústi jáne qara metallýrgııa, mashına jasaý, qurylys ındýstrııasy men jeńil ónerkásip salalarynan 200-den astam kompanııa ornalasty. Biz úlken tájirıbe jınadyq, endigi rette elimizdiń astanasynda osyndaı sharany ótkizý maqsaty tur»,- dedi mınıstr.

Óz kezeginde, Reseı Federatsııasy Ónerkásip jáne saýda mınıstriniń orynbasary Alekseı Grýzdev sharany uıymdastyrý jumystaryna barynsha qoldaý kórsetýge daıyn ekendigin jetkizdi. Taraptar aldaǵy ýaqytta kórmege qatysýǵa nıetti óndiris oshaqtarymen jumys júrgizbek.