Astanada «Infınıtı-1» TK-de kabeldi shahta órtendi, 7 adam qutqaryldy, ekeýi zardap shekti
ASTANA. 2 maýsym. QazAqparat - 1 maýsym saǵat 16.32-de Astana qalasynyń soltústik jaǵalaýynda 12 qabatty «Infınıtı-1» TK-de 5-shi jáne 6-shy qabattardyń arasynda ornalasqan kabeldi shahta órtendi.
QR TJM-niń baspasóz qyzmeti habarlaǵandaı, órt tolyǵymen 1 saǵattan keıin sóndirildi. Tilsiz jaýdy aýyzdyqtaýǵa QR TJM «Apattyq medıtsına ortalyǵy» MM-niń 3 adamy men 1 tehnıkasy jáne QR TJM Astana qalasy boıynsha TJD órtke qarsy qyzmetiniń 26 adamy men 6 tehnıkasy jumyldyryldy.
Órt bolǵan jerden «Turmys» JShS-niń 26 jasar elektrshisi men 28 jastaǵy áıelge ıis tıip, aýrýhanaǵa jetkizildi. 7 adam, onyń ishinde 5 bala qutqaryldy. 5 adam qaýipsiz aımaqqa kóshirildi.
