Astanada ınfektsııalyq emes aýrýlardyń aldyn alý jáne olarmen kúresti jetildirý boıynsha Strategııalyq dıalog ótedi
ASTANA. 26 maýsym. QazAqparat - Erteń saǵat 13.00-de Astana qalasyndaǵy «King Hotel» meımanhanasynyń konferents-zalynda (1 qabat) Qazaqstan Respýblıkasy Densaýlyq saqtaý mınıstrligi jáne
Dúnıejúzilik densaýlyq saqtaý uıymynyń Eýropalyq óńirlik bıýrosy (DDSUEÓB) arasynda 2012-2013 jyldarǵa jasalǵan Yntymaqtastyq jónindegi ekijyldyq kelisimdi iske asyrý sheńberinde ınfektsııalyq emes aýrýlardyń aldyn alýyn jáne olarmen kúresti jetildirý maqsatynda qoǵamdyq densaýlyq saqtaýdy nyǵaıtý máseleleri boıynsha Strategııalyq dıalog ótedi. Bul týraly QR Densaýlyq saqtaý mınıstrliginiń Baspasóz-qyzmeti habarlaıdy.
Jıynda ınfektsııalyq emes aýrýlarmen kúresti jetildirýde qoǵamdyq densaýlyq saqtaý qyzmetin nyǵaıtý, bul jumysty jaqsartýda halyqaralyq tájirıbeni zertteý, Qazaqstanǵa DDSUEÓB tarapynan densaýlyq saqtaý qyzmetterin ratsıonaldaý jáne moderlendirý arqyly densaýlyq saqtaý qyzmetiniń nátıjelerin odan ári jaqsartýda strategııalyq sheshimderdi qabyldaý úshin densaýlyq saqtaý qyzmetterin ózdiginen baǵalaýdy júrgizýge kómek kórsetý máseleleri talqylanady.
Armenııa, Ázirbaıjan, Belarýs, Grýzııa, Moldova, Kyrǵyzstan, Reseı Federatsııasy, Tájikstan, Ýkraına jáne Ózbekstannan kelgen qonaqtar jańa táýelsiz memleketterde (JTM) ınfektsııalyq emes aýrýlar, densaýlyq saqtaý júıesi jáne qoǵamdyq densaýlyq saqtaý qyzmeti jónindegi esepteri usynylatyn bolady.
