Astanada ındýstrııalyq-ınnovatsııalyq jobalar baıqaýy bastaldy

ASTANA. 12 naýryz. QazAqparat - Búgin Astanada ótken baspasóz máslıhatynda Astana qalasynyń ákimdigi men «Astana Innovations» kompanııasy ındýstrııalyq-ınnovatsııalyq jobalar baıqaýyn jarııalady.

Baıqaýdyń negizgi maqsaty - bıznes-ınkýbatsııany iske asyrý, ıaǵnı jas fırmalardy damytyp, bıýdjet qarajatyna ınnovatsııalyq bastamalardy júzege asyrý. «Astana - Jańa qala» arnaıy ekonomıkalyq aımaq basqarmasynyń bólim bastyǵy

Ásem Qusaınovanyń habarlaýynsha, bıylǵy baıqaýǵa 80 mln. teńge bólinip otyr.

«Ol aqshaǵa ınnovatsııalyq jobalar iske asyrylady. Biraq, eń aldymen, onyń barlyǵyn arnaıy sarapshylar toby qarap, irikteıtin bolady», - deıdi A.Qusaınova.