Astanada ınektsııalyq esirtki paıdalanýshylar arasynda AITV-ınfektsııasynyń taralýynyń aldyn alýǵa arnalǵan jıyn bolady
ASTANA. 19 maýsym. QazAqparat - Búgin saǵat 09.00-de «Dýman» qonaq úı kesheninde Ortalyq Azııa elderinde ınektsııalyq esirtki paıdalanýshylar arasynda AITV-ınfektsııasynyń taralýynyń aldyn alýǵa arnalǵan jıyn óz jumysyn bastaıdy.
Bul týraly QR Densaýlyq saqtaý mınıstrliginiń baspasóz qyzmeti habarlaıdy.
Bul keńes Ortalyq Azııada alǵashqy saraptamalyq kómek bolyp tabylady. Uıymdastyrýshy - Dúnıejúzilik densaýlyq uıymynyń Eýropalyq óńirlik bıýrosy, qabyldaýshy tarap - QR Densaýlyq saqtaý mınıstrligi.
Keńes jumysyna óńir elderiniń densaýlyq saqtaý, ishki ister jáne ádilet salalarynyń ulttyq sarapshylary, sondaı-aq azamattyq qoǵam ókilderi qatysady.
Keńeske jınalǵan sarapshylar ınektsııalyq esirtki paıdalanýshylar AITV dertine shaldyqqan jaǵdaıda aldyn alý, emdeý jáne kómek kórsetýdi keńinen qamtyp, qoljetimdiligi men sapasyn arttyrý joldaryn anyqtaıdy. Bul óz kezeginde ınektsııalyq esirtki paıdalaný nátıjesinde dertti jańadan juqtyratyndar sanyn azaıtýǵa jáne indetke baqylaý jasaýǵa múmkindik beredi.
