Astanada Imanbaeva kóshesi jóndeý jumysyna baılanysty jartylaı jabylady

ASTANA. QazAqparat - Astanada Imanbaeva kóshesiniń ýchaskesinde jol tósemi jóndelýde, dep habarlaıdy elorda ákimdiginiń resmı saıty.

Jol qozǵalysy qaýipsizdigin qamtamasyz etý maqsatynda qalanyń PD ákimshilik polıtsııa basqarmasynyń kelisimi boıynsha elordalyq Kólik jáne jol-kólik ınfraqurylymyn damytý basqarmasy ortasha jóndeý jumysyn júrgizýde.

Osyǵan baılanysty 15-18 maýsym aralyǵynda Sh.Imanbaeva kóshesiniń Kenesary kóshesinen Imanov kóshesine deıingi aralyǵy kólik qozǵalysy úshin ishinara jabylatyn bolady.

Elorda turǵyndary men qonaqtary qala joldarynda keptelis týdyrmas úshin qozǵalys baǵytyn aldyn ala josparlaýy qajet.