Astanada Іlııas Omarovtyń 100 jyldyq mereıtoıyna arnalǵan saltanatty kesh ótedi
ASTANA. 15 qazan. QazAqparat - 16 qazan kúni Astana qalasyndaǵy Kúlásh Baıseıitova atyndaǵy Ulttyq opera jáne balet teatrynyń kontsert zalynda saǵat 18.30-da memleket jáne qoǵam qaıratkeri, ádebıet synshysy, pýblıtsıst Іlııas Omarovtyń 100 jyldyq mereıtoıyna arnalǵan «Rýhanııat sardary» atty kesh ótedi, dep habarlady QR Mádenıet jáne aqparat mınıstrliginiń baspasóz qyzmeti.
Mádenı sharaǵa Qazaqstannyń halyq ártisi Qaırat Baıbosynov, Qazaqstannyń eńbek sińirgen qaıratkerleri Janat Shybyqbaev, Azamat Jyltyrkózov, Klara Tólenbaeva, respýblıkalyq konkýrstardyń laýreattary Bıbigúl Januzaq, Seıil Aıaǵanov, Aızat Qarabekova, Altynaı Mamyrova, «Úkilim» bı ansambli jáne jas talantty oryndaýshylar qatysady.
Bıyl Іlııas Omarovtyń 100 jyldyq mereıtoıyna arnap Qazaqstannyń barlyq oblystarynda festıvaldar, kontsertter jáne ádebı keshter uıymdastyrylýda.
Іlııas Omaruly Omarovtyń Qazaqstanǵa sińirgen eńbegi óte aýqymdy. Joǵary laýazymdy qyzmetterdi atqaryp júrip, elimizdiń ár salasyndaǵy órkenıetti ózgeristerge uıytqy bolǵan Іlııas Omarovtyń mádenıet pen ónerge degen kózqarasy erekshe bolatyn. QazSSR Mádenıet mınıstri qyzmeti barysynda Іlııas Omarov Qazaq kınosy, tsırk, estradalyq janr, teatr salasyna jańa dem berip, qazaq jeriniń ónerpaz ıntellıgentsııasyn biriktirip, mádenıetke kóp kóńil bóldi. Onyń talǵamy, oı tolǵaýy, saraptamalyq stıli, tııanaqty tujyrymdary ádebı synshy sheberligin kórsetti. Sondaı-aq Іlııas Omarov aqyn, jazýshy, pýblıtsıst retinde de tanymal.
