Astanada Ilın men Podobedovanyń izbasarlary tartysqa túsip jatyr
ASTANA. QazAqparat - Astanada Halyqaralyq balalardy qorǵaý kúni aıasynda aýyr atletıkadan týrnır bastaldy. Bul saıysta Astana qalasy, Aqmola, Soltústik Qazaqstan jáne Qaraǵandy oblystarynan eń tómengi jas aralyǵyndaǵy (1999-2000 jyly týǵandar jáne budan da kishiler) aýyr atletter tartysqa túsýde.
Jarystyń barlyq qatysýshylaryna medalder men dıplomdar, sondaı-aq baǵaly syılyqtar tabystalmaq. Sonymen qatar týrnırden keıin jas sportshylardy Astananyń kórikti jerlerinde serýendetý sharasy josparlanyp otyr. «Búgin balalar toǵyz salmaq dárejesi boıynsha baqtaryn synaıdy. Týrnırdiń basty maqsaty - aýyr atletıkany jáne sportty Qazaqstanda keńinen nasıhattaý. Londondaǵy Olımpıadanyń qorytyndysy boıynsha jeti altyn júldeniń tórteýi aýyr atletterimizdiń enshisinde boldy. Sporttyń osy túri boıynsha joǵary talaptar qoıylýda jáne biz bul nátıjeni kelesi Olımpıadaǵa deıin ustap turýǵa talpynamyz», - dedi Aýyr atletıka federatsııasynyń vıtse-prezıdenti Gennadıı Morozov. Sonymen qatar ol sporttyń osy túri boıynsha daıyndalyp júrgen sportshylarǵa qajetti qural-jabdyqtar jańartylǵanyn atap ótti. Onyń sózine qaraǵanda, elimizdiń ár oblysynda óńirlik federatsııalar ashylyp, bapkerler men sport medıtsınasy qyzmetkerlerine jaǵdaı jasaldy.
