Astanada ıkondar kórmesi ashyldy
ASTANA. 16 qańtar. QazAqparat - Búgin elordadaǵy Qazirgi zaman óneri murajaıynda «Ónerdegi hrıstıandyq» atty biregeı ıkondar kórmesi ashyldy.
Kórmeni «Astana kollektsııa jınaýshylary» QB uıymdastyrǵan.
Oǵan XVIII-XX ǵasyrdaǵy túrli ıkon jasaý mektebi men sheberlerdiń túpnusqada jáne mys plastıkada jasalǵan ıkondary qoıylǵan. Ekspozıtsııany qola men mys úlgileri, shirkeý kitaptary, túrli kólemde quıylǵan ádemi emal krester tolyqtyrady.
Astana turǵyndary men qonaqtary alǵash ret Vadım Bobkov pen Maksım Temeev jınaǵan 21 ıkondy kóre alady. Ikondarda Áýlıe Bogorodıtster, Iısýs Hrıstos, Vladımır, Smolensk, Qazan, Troerýchıtster qudaı analarynyń shattyqty sátteri, taǵy basqalar beınelengen.
Sondaı-aq, kórmede Valerıı Semenovtyń jıyntyǵynan shirkeý kitaptary usynylady.
«Ónerdegi hrıstıandyq» ıkondar kórmesi Qazirgi zaman óneri murajaıynda eki apta, 16-nan 31 qańtarǵa deıin jumys isteıtin bolady.
