Astanada ІІM janyndaǵy kúzet qyzmeti qyzmetkerleriniń januıalaryna arnap jataqhana salynady

Bul týraly búgin Otbasy kúnine arnalǵan «Meıirimdi otbasy» saltanatty jıynynda ІІM Ákimshilik polıtsııa komıtetiniń kúzet qyzmetin baqylaý boıynsha basqarma bastyǵy Nurbolat Súıindikov málim etti.

«Kúzet qyzmeti qurylymdarynyń jas januıalaryn baspanamen qamtý máselesin sheship jatyrmyz. Qyzmetkerlerimizge arnap jataqhana salý úshin bıýdjetten qarjy bólý máselesi qaralýda», - dep atap ótti ol.

Jalpy, Qazaqstan boıynsha mamandandyrylǵan kúzet qyzmeti qurylymdary qyzmetkerleriniń 6 myń januıasy bar. Nurbolat Súıindikovtiń sózine qaraǵanda, búgingi shara qalalyq Qazaqstan halqy Assambleıasymen birlesip uıymdastyryldy. Shara sońy shyǵarmashylyq ujymdardyń merekelik kontsertine ulaspaq.