Astanada ІІM qyzmetkeri jattyǵýdan keıin kóz jumdy
ASTANA. QazAqparat - ІІM qyzmetkeri, 34 jastaǵy áıel adam, Astanada jattyǵý zalynda jattyǵýdan keıin kóz jumdy. Bul týraly QazAqparat tilshisine mınıstrliktiń resmı ókili Nurdildá Oraz málimdedi.
«17 qyrkúıek kúni «Alataý» sport kesheniniń jattyǵý zalynda 34 jastaǵy ІІM qyzmetker jattyǵýdan keıin kóz jumdy. Ol 15-17 qyrkúıek aralyǵynda óz erkimen jattyǵý zalyna baryp júrgen. Buryn ol jattyǵý zalyna barmaǵan», - dep atap ótti N. Oraz.
Onyń aıtýynsha, es-tússiz jatqan ІІM qyzmetkerine eń alǵashqy medıtsınalyq kómekti keshenniń medbıkesi kórsetken. Alaıda tez arada jetken «Jedel járdem» dárigerleri áıeldiń ómirin saqtap qala almady.
«Sot-medıtsınalyq saraptama jumystary júrgizilip jatyr. Áıel óliminiń anyq-qanyǵy zertelýde», - dedi N. Oraz.
