Astanada ІІM kýrsanty 2 oıyn apparatyn urlap ketti
ASTANA. QazAqparat -Elimizdiń Іshki ister mınıstrligine qarasty akademııanyń kýrsanty elordada eki oıyn apparatyn urlap ketti. Bul jaıynda QR ІІM Memlekettik til jáne aqparat departamentiniń dırektory Almas Sadýbaev aıtty, dep habarlaıdy QazAqparat tilshisi.
«Astanada qalalyq ishki ister departamentiniń krımınaldyq polıtsııa qyzmetkerleri QR ІІM Qaraǵandy akademııasynyń kýrsantyn ustady. Ol polıtsııa qyzmetkeriniń kıim úlgisin kıip, belgisiz adamdarmen birge 2 oıyn apparatyn alyp ketken», - dedi departament basshysy.
Sonymen qatar, ol mańǵystaýlyq ýchaske ınspektorynyń jat áreketi jaıynda aıtty.
«12 tamyz kúni Shymkentte Mańǵystaý oblystyq jergilikti polıtsııa qyzmetiniń ýchaskelik polıtsııa ınspektory basqaryp kele jatqan kólik jol qozǵalysy erejesin buzǵany úshin toqtatylǵan. Mán-jaıdy anyqtaý barysynda júrgizýshi jáne onyń jolaýshysy - Túrkistan oblystyq jergilik polıtsııa qyzmetiniń ýchaskelik polıtsııasy mas bolyp, Shymkent qalalyq ІІD ózindik qaýipsizdik qyzmetiniń ınspektoryna barynsha qarsylyq bildirgen», - dedi ol.
Atalǵan faktige sáıkes QR QK 380-babynyń 1-tarmaǵy (Bılik ókiline qarsy zorlyq-zombylyq kórsetý) boıynsha sotqa deıingi tergeý amaldary júrgizilýde.
Kórneki sýret
