Astanada ІІM quramasy voleıboldan QR quqyq qorǵaý organdary men qurylymdyq kúshter arasynda ótken chempıonatta «altyn» jeńip aldy
ASTANA. 8 maýsym. QazAqparat - Іshki ister mınıstrliginiń qurama komandasy quqyq qorǵaý organdary men qurylymdyq kúshter arasynda «Dınamo» tóraǵasynyń kýbogy jolynda erler arasynda ótken voleıboldan ashyq chempıonattyń jalpy esebi boıynsha birinshi orynǵa ıe boldy.
Chempıonat 6-8 maýsym aralyǵynda ótti. Oǵan quqyq qorǵaý organdary men qurylymdyq kúshterdiń 12 qurama komandasy qatysty.
Jarystyń ótken úsh kúniniń qorytyndysy boıynsha aqtyq oıyndardyń qatysýshylary anyqtaldy. Fınaldyq kezdesýde Іshki ister mınıstrligi byltyrǵy jyldyń jeńimpazy Ulttyq qaýipsizdik komıtetin jeńdi. Úshinshi orynǵa QR UQK-niń Keden qyzmeti ıe boldy.
«Dınamo» Ortalyq Keńesi atalǵan Chempıonatty quqyq qorǵaý organdary qyzmetkerleriniń daıyndyq deńgeıin arttyrý, jas jáne sportpen aınalysatyn qyzmetkerlerdi anyqtaý jáne erekshe kóńil bólý, voleıboldy nasıhattaý jáne materıaldyq bazasyn damytý, salaýatty ómir saltyn qalyptastyrý maqsatynda ótkizgen bolatyn.
«Dınamo» Ortalyq Keńesi tóraǵasynyń orynbasary Asqar Omarqulovtyń aıtýynsha, Іshki ister mınıstrliginiń komandasy qyzmetterin sportpen qatar alyp júrgen jas oıynshylardan quralǵan jáne sáttilik solardyń enshisinde boldy.
«Eki komanda da myqty. Mysaly, QR ІІM-niń komandasy jas ári shapshań. Al UQK-niń quramynda halyqaralyq sanattaǵy sport sheberleri men tájirıbeli sportshylar jeterlik. Degenmen eń myqty komanda alańda anyqtaldy», - deıdi A. Omarqulov.
Atalmysh birinshilik QR Іshki ister organdarynyń qurylǵanyna 20 jyl tolýyna oraı ótti.
