Astanada ІІІ Halyqaralyq Eýrazııalyq dermatologııa, kosmetologııa, estetıkalyq medıtsına kongresi óz jumysyn bastaıdy
ASTANA. 30 mamyr. QazAqparat - 30 mamyrda Astanadaǵy «Dýman» qonaq úı kesheninde ІІІ Halyqaralyq Eýrazııalyq dermatologııa, kosmetologııa, estetıkalyq medıtsına Kongresi jáne «Dermatokosmetologııa jáne dermatovenerologııanyń jas erekshelikteriniń aspektileri» atty IV halyqaralyq ǵylymı-tájirıbelik konferentsııa ótedi.
QR Densaýlyq saqtaý mınıstrliginiń baspasóz qyzmetiniń málimetinshe, jıynǵa Izraıl, Slovakııa, Frantsııa, Reseı, Ýkraına, Belarýs, Ózbekstan, Italııa, Belgııadan jetekshi mamandar qatysady.
Eýrazııalyq Kongress sheńberinde qaterli isik aýrýlarynyń aldyn alýǵa arnalǵan sheberlik synyptary jáne taqyryptyq sımpozıýmdar ótkiziledi.
«Atalǵan is-shara teri-venerologııalyq aýrýlardyń taralýymen, emdeýdiń ınnovatsııalyq, sondaı-aq joǵary tehnologııalyq ádisteriniń paıda bolýymen, túzetý ádistemeleriniń kúrdeligimen jáne qajettiligine baılanysty ózekti bolyp otyr»,-delingen vedomstvo málimetinde.
