Astanada II Halyqaralyq etnıkalyq mýzyka festıvali ótedi
ASTANA. KAZINFORM — Bul festıval — etnıkalyq mýzyka salasyndaǵy úzdik oryndaýshylardyń basyn qosyp, tájirıbe almasýǵa, shyǵarmashylyq baılanys ornatýǵa jáne urpaqtar sabaqtastyǵyn damytýǵa baǵyttalǵan mańyzdy mádenı joba, dep habarlaıdy Mádenıet jáne aqparat mınıstrligi.
2025 jylǵy 18–19 qazan kúnderi Qazaqstan Respýblıkasy Mádenıet jáne aqparat mınıstrliginiń qoldaýymen, Roza Baǵlanova atyndaǵy «Qazaqkontserttiń»uıymdastyrýymen «Kóshpendiler áýeni» II Halyqaralyq etnıkalyq mýzyka festıvali ótedi.
Іs-sharanyń maqsaty — ulttyq jáne túrki áleminiń mýzykalyq murasyn keńinen nasıhattaý, jas oryndaýshylardyń kórkemdik talǵamy men rýhanı qundylyqtaryn qalyptastyrý.
Festıval aıasyndaǵy kontserttik baǵdarlamalarda kórermender túrki halyqtarynyń baı mýzykalyq dástúrin jańa qyrynan tanytatyn sheber oryndaýshylardyń ónerin tamashalaı alady.
Sondaı-aq, dala áýenderiniń klassıkalyq úlgileri men zamanaýı ınterpretatsııalary, halyq ánderiniń jańa óńdelgen nusqalary, ulttyq aspaptarǵa arnalǵan shyǵarmalar jáne tyń oryndaýshylyq formalar usynylady.
Osydan buryn Qyzylorda teatry halyqaralyq festıvaldiń altyn júldesin ıelengenin jazǵan edik.