Astanada II Eýrazııalyq joǵary bilim kóshbasshylarynyń forýmy ótýde
ASTANA. 12 maýsym. QazAqparat - Búgin Astanadaǵy Nazarbaev Ýnıversıtetinde II Eýrazııalyq joǵary bilim kóshbasshylarynyń forýmy óz jumysyn bastady.
Bıyl qatysýshylar joǵary bilim berý salasyndaǵy jahandyq ahýal jáne onyń aımaqtaǵy áseri taqyrybynda talqylaýlar júrgizedi.
Sharanyń resmı ashylýynda QR Premer-Mınıstriniń orynbasary Erbol Orynbaev, QR Bilim jáne ǵylym mınıstri Baqytjan Jumaǵulov, Nazarbaev Ýnıversıtetiniń prezıdenti Shıgeo Katsý boldy.
Forým eki kúnge jalǵasady. Alqaly jıynǵa joǵary bilim salasynyń eń bedeldi top menedjerleri, ǵalymdary, sonymen qatar 30-dan astam memlekettiń úkimet ókilderi men saıasatkerleri kelip otyr.
"Bıylǵy jyly biz bilim berýdiń jahandyq damý baǵyty, joǵary bilim berýdegi strategııalyq kóshbasshylyq, ýnıversıtetterdiń damýy, basqarylýy jáne jaýapkershiligi taqyryby tańdaldy. Sebebi bul máseleni asa mańyzdy dep sanaımyz. Biz úshin eldegi ózge ýnıversıtettermen tájirıbe almasý basym baǵyttardyń biri bolyp tabylady", - dep atap ótti sharanyń ashylý saltanatynda Nazarbaev Ýnıversıtetiniń prezıdenti Shıgeo Katsý.
